रिजवानको माला र केटोको नजर

रिजवान अन्सारी केही समय अगाडी निकै चर्चामा आए । माधव नेपालको सरकारमा उनी गृह राज्यमन्त्रि थिए । उनकै पार्टीका नेता प्रधानमन्त्री र पार्टीकै साथी भिम रावल गृहमन्त्री भएका बेलामा रिजवानले असमयमै राज्यमन्त्री पदबाट हात धुनु परो । देशमा दिन दाहडै मान्छे मारिन थाले । राजधानीमै गोली प्रहारबाट संचार उद्यमीको ज्यान गयो । अपराधीहरु कहिल्यै समातिएनन् । यो अवस्था प्रति असन्तुष्टि व्यक्त गरे रिजवानले । गृहमन्त्री प्रति तितो पोखे उनले । अनि चट भयो उनको राज्यमन्त्री पद ।
आम समुदायको बुझाइमा रिजवानले साँचो नै बोलेका थिए । मन्त्री प्रधानमन्त्रीको काम प्रति अन्य मन्त्रीहरुले पनि टिका टिप्पणी गरेका थिए । यो मामलामा रिजवान एक्ला थिएनन् । सीडीयो चड्काउने राज्यमन्त्री पनि थिए माधवको टिममा । प्रधानमन्त्रीलाई घुर्काउने मन्त्री पनि थिए तर अरुलाई केही भएन रिजवानले कारवाही भोगे । हरुवा व्यक्ति प्रधानमन्त्री भएको मन्त्री मण्डलमा रिजवान एमालेका तर्फबाट प्रतक्ष्य निर्वाचनमा संविधान सभा सदस्य चुनिएका एक मात्र व्यक्ति थिए । त्यसैले धेरैको सहानुभुति पाएका थिए रिजवानले त्यति बेला ।
रिजवान मधेसबाट आएका थिए अल्पसंख्यक मुसलमान समुदायका थिए युवा थिए । साँचो कुरा बोल्ने हिम्मत गर्दा रहेछन् । उनको यो गुण नै उनका लागि अभिसाप भयो । एमालेको नियत सरकारको चरित्र जनता सामु आयो त्यो घटनाले । रिजवानले मन्त्री पद गुमाए तर फोहरी राजनीतिको अनुहार सार्वजनिक गरे । तर अहिले रिजवान धेरैको सम्झनाबाट ओझेल पर्दै छन् । सधै उही कुरो सम्झेर बस्ने फुस्रद कस्को पो हुन्छ र ? रिजवान बेला बेलामा भने अवश्य सम्झिने छन् । तर आज मैले उनका लागि यी शब्दहरु खर्च गरेको अर्कै प्रशंगका लागि हो । रिजवानको फेसबुक फेला परो । त्यसमा उनले आफ्ना धेरै फोटोहरु संग्रह गरेका रहेछन् ति मध्ये एउटा फोटोमा मेरो नजर गड्यो ।
सायद संविधान सभाको निर्वाचनमा विजयी भएपछि नै उनले त्यो फोटो खिचाएको हुनु पर्छ । फोटो हेरेर त्यो के को अवसरमा खिचेको हो खुल्दैन । फोटोमा उनले अबिर लगाएका छन् । गलामा गम्छा फालेका छन् । अनि माला लगाएका छन् । माला फुलको, दुवोको होइन पैसाको नोटको हो । पाँच रुपैयाँ, दश रुपैयँ र सय रुपैयाँसम्मका नोटको मालामा देखिन्छन् । अब रिजवानले यो माला लगाएर गलत गरे के गरे भन्ने खालको टिप्पणी मैले गर्न खोजेको होइन तर मेलाई रिजवानको ठ्याक्कै अगाडी उभिएको केटोको हेराइले यो फोटो प्रति ध्यान गएको हो ।
निलो टि सर्ट र हाफ कट्टु लगाएको त्यो केटोको नजर जति अन्यत्र कतै होइन रिजवानको मालामा गडेको छ । उसले मालालाई निकै हेरेको छ । वास्तवमा उसले मालालाई हेरेको पि होइन । फुलै फुलको माला भएको भए उसले त्यसो अवश्य गर्दैन थियो होला । त्यत्रो पैसा बिचरा उसले पहिलो पटक देखेको होला अनि किन नहेरोस त त्यसरी । उसको दरावस्थाले यो भएको हो । रिजवान जस्ता नेताले जनताको अवस्था यसरी नै नियालेर उनीहरुको हितमा काम गरे पैसामा कुनै बालकको नजर किन टिक्थ्यो ? मेरो मनमा लागेको यत्ति हो । अरु कुरामा केही टिप्पणी र गुनासो छैन ।