फेस बुकको लत

फेस बुक नभएमा केही काम रोकिने छेकिने हुँदैन । तर इन्टरनेट प्रयोगकर्ताले कमप्युटर खोलोपछि फेसबुक पनि खोली हाल्छन् । नेट र फेसबुक उस्तै उस्तै जस्तो भएको छ अचेल नेपालमा । त्यो सो त यो नेपालमा मात्रै होइन विश्वव्यापी रुपमा नै फेसबुक लोक पि्रय छ तर यसको उपयोगिता त्यस्तै बिछट्टै केही छैन । फेसबुकलाई धेरैभन्दा धेरै उपयोगि बनाउने दायित्व यसका प्रयोगकर्ताको पनि हो तर अत्याधिक प्रयोगकर्ताले यसलाई हल्का फुल्का गफ गर्ने नेट मंच या चौतारीको रुपमा लिएका छन् । यसको खास उपयोगिता के हो कसैलाई थाहा छैन । सवैले आ आफ्नो तरिकाले बुझेका छन् चलाएका छन् । जसका कारण कुनै कुनै देशको सामाजिक रिवाज भन्दा प्रतिकुल काममा फेसबुक बढी प्रयोग भएकाले दक्षिण एसियाका केही देशहरुमा यो प्रतिवन्धित समेत छ ।
नेपालमा पनि यस्तै ताल रहयो भने यो प्रतिबन्धित हुने समय धेरै टाढा छैन । जस्तो अस्ति भर्खर पत्रिकामा एउटा समाचार आएको थियो अश्लिल हो भन्ने लागेमा सरकारले फेसबुक पनि बन्द गर्न सक्छ । फेसबुक आफैमा अश्लिल साइट त हुँदै होइन तर प्रयोगकर्ताले यसलाई त्यस्तो बनाएका छन् । फेसबुकमा अश्लिल भिडियोका क्लिप्सहरु छ्याप्छ्याप्ती हुन थालेका छन् । सरकार आफ्नो बचनमा पक्का हो भने फेसबुक बन्द हुन कुनै समय लाग्दैन । तर सरकारले भने अनुसार के पो गरेको छ र नेपालमा । अहिले काही अनौठो काम पनि गर्छ । यस्तै सनकमा लागेर फेसबुक फ्याट्ट बन्द गरिदिइ हाल्न पनि सक्छ ।
मानौ नेपालमा फेसबुक नेपालमा बन्द भयो भने के होला प्रयोगकर्ताहरु केही समयसम्म नुन खाएका कुखुरा जस्तो झोक्राएर बस्ने छन् । त्यो समय महिना दिन या त्योभन्दा बढी पनि हुन सक्छ । अहिले नियमित फेसबुक चलाइ रहेको हुँदा कसैलाई त्यस्तो नलागेको हुन सक्छ तर फेसबुक झ्याप्प बन्द भयो भने प्रयोगकर्तामा पर्ने प्रभावको आँकलन अहिले कसैले गर्न सक्दैन । तर कुरा के हो भने फेसबुक बन्द हुँदा बित्तिकै मुटुमै चोट पनि पर्न सक्छ धेरैलाई । किन भने यसले लतको रुप लिइसकेको छ । लत सुपारी खाए जस्तो चिया खाए जस्तो चुरोट खैनी खाए जस्तो अनि अन्य खतरनाक लागु औषध खाए जस्तो लत । फेसबुकलाई कुन तरिकाले प्रयोग गरेको छ लतको मात्रा र त्यसको प्रभाव पनि त्यही अनुरुपको हुने भयो ।
फेसबुकको लत लागेको कुरा एउटा घटनाले देखाएको हो । अस्ति भिदौ ३१ गते बिहानैदेखि फेसबुक खुलेन । फेसबुक नखुल्दा अचम्म लाग्यो । दिउँसोसम्म पनि खुलेन । सोधखोज गर्दै जाँदा धेरैको कम्प्युटरमा यस्तो भएको थाहा भयो । साँझ चितवन पोष्ट गएको त्यहाँ भने चलि रहेको रहेछ । पहिला कतै पनि चलेको छैन भन्दा खासै केही लागेको थिएन् पछि कतै चलेको कतै नचलेको बुझियो । यो बुझाइ एका तर्फ छ भने अर्को तर्फ फेसबुक नचल्दा बेचैनि निकै बढेको थियो । मैले फेसबुक खासै चलाउँदिन । आफ्नो ब्लग भने यसमा लिङ्क गर्छु । स्टाटस पनि हप्ता १० दिनमा एक पटक बदलिन्छ । कुनै उपयोगि कुरा भए त्यो पनि लिङ्क गर्छु । कमप्युटर खुलेपछि फेसबुक पनि खुल्छ । अनलाईनमा भेटहुने साथीहरुसँग च्याट हुन्छ ।
बस यत्ति गर्ने मलाई फेसबुक नखुल्दा साह्रै गाह्रो भयो । हिजो ब्लग नै लेखिन । फेसबुक नचलेको हो तर मलाई नेट नै नचलेको जस्तो भान परो । पछि एउटा पुरानो खवर याद आयो जसमा भदौ ३० गतेपछि फेसबुक पुरनो ब्राउजरमा नखुल्ने कुरा थियो । ब्राउजर अपडेट नै भएको थिएन । त्यो ख्याल हुना साथ ब्राउजर अपडेट गरेको फेसबुक साविक कै तालमा चल्यो । अनि मेरो नेट मनस्थिति पनि साविकको तालमा आयो । प्रतिबन्ध लागेरयो बन्दै भएमा के होला ? यसको निकटमा बढीभन्दा बढी बसेकाहरुलाई के हुने होला ? भन्ने मलाई यस कारणले लागेको हो । त्यसो त फेसबुक बन्द नै भए पनि हामीले गरि रहेका कुनै काम रोकिने बाला भने छैन ।