विकास कोइरलाको फेसबुक

भर्खर सम्पन्न नेपाली काँग्रेस चितवनको जिल्ला अधिवेशनमा सानोबुबा रामकृष्ण घिमिरेभन्दा २० भोट बढी ल्याएर विकास कोइरला कार्य समितिको सभापतिमा चुनिए । सानोबुबा घिमिरे राजनीतिमा लागेको पाको पुस्ता विकास युवा । अवको नेतृत्व युवालाई भन्ने नारा लिएरै विकासले चुनाव जितेका हुन् । उमेरमा ४० टेक्न अझै एक वर्ष बाँकी छ त्यसैले उनले आफुलाई युवा भनेर काँग्रेसजन माझ उभ्याए र चुनाव जिते पनि । उनले चुनाव ताका आफुले गर्ने कायर्यक्रमहरु घोषणा पत्र बनाएरै सार्वजनिक गरे । त्यसमा सुचना प्रविधिको कुरा पनि उठाएका छन ।
सुचना प्रविधि भन्नाले अचेल कम्प्युटर इन्टरनेट इमेल बुझिन्छ । यसको सँगतमा रहने र यसको बहुउपयोग गर्न सिपालु अचेल प्रविधिसँग निकट कहलिन्छ । एक पटक विकासले नै आयोजना गरेको पत्रकार सम्मेलनमा उनको फोटोको कुरा उठ्यो । पत्रकारहरु क्यामरा लिएर नजानु एउटा कमजोरी हुन सक्छ तर विकासले ल तपाइँको इमेल टिपाउनु होस म मेरो फोटो हालिदिन्छु पनि भनेनन् । उनी मेल नचलाउने त होइनन तर चलाउने गर्छु प्रविधिको उपयोग गर्छु भन्ने देखाउने अवसर उनले गुमाए ।
कम्प्युटरमा बस्ने मेल इन्टरनेट चलाउने व्यक्ति फेसबुकको चर्चाबाट पक्कै टाढा हुँदैन । फेसबुक नबनाउनेलाई कमप्युटर नै चलाउन नजान्ने जसरी हेर्न थालिएको छ सहर बजारमा । यो सामाजिक संजाल मार्फत धेरै कामहरु गर्न सजिलो हुने गर्छ । युवा पुस्ता फेसबुक भनेपछि हुरुक्क छ पाकाहरु समेत फेसबुक खोल्छन आफ्ना कुराहरु लेख्छन अरुलाई बाँड्छन । अब पाका पुस्तालाई पछार्ने सोचले चुनावमा उठेर विजयी समेत भएका युवा विसकाले सुचना प्रविधिको यो चमात्कारिक संसारभन्दा बाहिर छन् भनेर ठान्नु गलत हुन्थ्यो । सर्च गर्दै गएको उनको फेसबुक खाता भेटियो पनि ।
तर अचम्म फेसबुकको उपयोग जे जसरी गर्नु पर्दथ्यो त्यसरी भएको रहेनछ । एकदमै अल्छि पारा झल्कन्छ उनको फेसबुक हेर्दा । खै कहिले खोलेको हो त्यो फेसबुक जम्मा ११ जना साथी छन् उनका । र केही आपत्तिजनक कुराहरु पनि देखियो उनको फेसबुकमा । त्यस कारण उनै विकासले आफै यो फेसबुक खोलेका हुन या होइनन् शंका लाग्यो । फेसबुकको एउटा एलवममा तीनवटा फोटो छ । दुईवटा फोटो विकासको हो प्रष्ट चिनिन्छ । सायद विरेन्द्र क्याम्पसमा भाषण गर्दै गरेको फोटो हुनु पर्छ त्यो दुईवटा । कोर्ट र जिन्स पाइन्ट लाएर भाषण गरेको त्यो फोटो उनको प्रोफाइल फोटो पनि हो फेसबुकको ।
सँगै अर्को फोटो छ काट्ने दाउ उचालेर ढोकामा ताकेको । तीनवटै फोटाको क्याप्सन छैन । त्यो दाउँ ताकेको को हो के हो कतै उल्लेख छैन । झट्ट हेर्दा धेरैले विकास नै ठान्छन् । तर हो या होइनमा शंका गर्नु पर्छ किन भने फोटो धमिलो छ । अनुहार प्रष्ट बुझिदैन । तै पनि पत्रकार नकुल अर्यालले त्यो फोटो विकास कै भएको ठोकुवा गर्दै आफ्नो ब्लग 'नकुलका कुरामा" लेखे 'फेसबुकको दाईको एकाउन्टमा रहेको आफ्नै पार्टी कार्यालयको ढोकामा निकै आक्रोशका साथ ताडफोड गर्दैगरेको दाईको फोटो ।" नकुलले चिनेर नै यसरी लेखेका होलान । त्यसैले मैले भनेकॊ यस्तो आपत्ति जनक फोटो विकासले आफ्नो फेसबुकमा किन राखेका होलान ?
फेसबुक एउटाको नाममा अर्काले खोल्न नमिल्ने होइन । देश विदेशका चर्चित व्यक्तित्वहरु यो समस्याबाट पिडित छन् , त्यसैले विकासको नामा कसैले फेसबुक खोलेर उनको उदण्डता देखिने फोटो राखिदिएको हुनु पर्छ । तर खाता अरुले खोलि दिएको भए पनि यस्तो भएको रहेछ भन्ने जानकारीबाट विकास बंचित नहुनु पर्ने हो । मैले उनको फेसबुक साथीहरु हेरे धेरै उनी निकटका व्यक्तिहरु नै रहेछन् त्यहाँ । उनीहरुलाई विकासको फेसबुकमा रहेको त्यो फोटो किन आपत्ति जनक नलागेको होला ? त्यो फोटो विकासकै हो या अरु कसैको ? या किन राखियो ? यस्ता कुरा किन प्रष्ट नपारेको होला ?
युवाको नारा दिएर सुचना प्रविधि सदुपयोगको योजना बनाएर काँग्रेसीहरुको भोट खाएका विकासले आफ्नो नाममा खुलेको फेसबुकमा भएको त्यो भद्रगोल प्रति किन आँखा चिम्लि रहेका हलान । यो सामान्य कुरा हो भन्ने उनलाई लागेको पनि होला । तर फेसबुक संजाल त्यत्ति चानचुने कुरा होइन । मान्छेको व्यक्तित्व विकास गर्न र गिराउन समेत यसले भुमिका खेल्न सक्छ । किन कि यसको पहुँच विश्वव्यापी मात्रै होइन अत्याधिक जनमानसमा छ । त्यसैले सुचना प्रविधिको यो युगमा सामान्य लाग्ने यस्ता कुरालाई पनि विकासले वेवास्ता नगरुन् ?