यो संयोग मात्रै होला

भोलि साउन २७ गते बिहीबार नेपाली काँग्रेस चितवनको जिल्ला नेतृत्व छान्नका लागि निर्वाचन हुँदैछ । यसअघि गाउँ नगर र क्षेत्रका चुनावहरु भएर नेतृत्वमा नेताहरु आइसकेका छन् । नेपाली काँग्रेसमा अहिले युवाहरुको वर्चश्व देखिएको छ भन्ने निकै चर्चा छ । रत्ननगर नगर समितिको सभापतिमा रुपेनराज घिमिरे निर्वाचित भए । उनी विशुद्ध युवा हुन । त्यस बाहेक किटेरै युवा भन्न लाएकका व्यक्तिमा अव जिल्ला कार्य समितिको सभापति पदमा उठ्छु भनेका विकास कोइरला छन् । रुपेनले जिते विकास उठ्छु भन्दैछन् । यत्ति कुराले पनि चितवनको काँग्रेस अहिले युवा मय भएको छ ।
सिक्काको अर्को पाटो पनि छ । शिव पौडेल नेपाल तरुण दल जिल्ला कार्य समिति चितवनका अहिलेका अध्यक्ष हुन् । राजेश्वर खनाल पनि तरुण दलकॊ जिल्ला अध्यक्षको पद सम्हालि सकेका प्रवुद्ध युवा हुन् । शम्भु अर्याल पनि तरुण दलकै पूर्व जिल्ला अध्यक्ष हुन् । यी त्रिवल तरुणहरु नेपाली काँग्रेस चितवनको क्षेत्र नम्बर तीनको क्षेत्रीय अधिवेशनमा तीन बल्ड्याङ खाए । शिव र शम्भु महाधिवेशन प्रतिनिधिमा हारे । राजेश्वरलाई क्षेत्रीय सभापति पदमा पाका प्रमोदले पछारे ।
हारेका तरुणहरुलाई हारको पिरमाथि अर्को पिडा पनि थपियो । राजेश्वर खनाल प्रचार्य रहेको नारायणि पब्लिक कलेजमा माओवादीको विद्यार्थी संगठन अनेरास्ववियु (क्रान्तिकारी ) का कार्यकर्ताहरु पसेर तोडफोड गरे । उनीहरुले कलेजका १६ वटा कमप्युटर झरामझुरुम पारे । कमप्युटर एक्कासी त्यसरी फोर्नु पर्ने ठुलो कारण त केही थिएन । तर पनि क्रान्तिकारीलाई कस्तो क्रान्ति गर्न मनलाएर आयो अनि समान तोडफोड गर्न थाल्यो कुन्नि । कमप्युटर फोडेर शैक्षिक क्रान्ति गर्ने माओवादीको कार्य नीति कार्यन्वयन गर्न दुई दिनअघि काँग्रेसको चुनाव हारेका राजेश्वरको कलेज छनौटमा पर्नु संयोग मात्रै होला भनेर तर्केकै राम्रो । बेकारमा हार पनि कारण थियो कि भनेर केको कच कच गरि रहने ।
राजेश्वरको कलेजमा माओवादी पस्यो शम्भुको कटेज सहितको लजमा पुलिस पस्यो । नातामा श्रीमान श्रीमती नपर्ने महिला पुरुषहरु यौन कार्य गरि रहेको अवस्थामा दिउँसै शम्भुको पिस गेष्ट हाउसमा फेला परे भन्ने खवर संचार माध्यममा फैलियो । एक जोडि होर दुई जोडी हो र तीन तीन जोडी समातिए । रन्थनिएका शिवको केही सुन्न पाइएको छैन । पिडा शान्त पार्न उनी कैलाश पर्वत या गोशाइकुण्ड तर्फ हानिए कि जस्तो छ । तर शम्भु र राजेश्वरको नियती ओरालो लागेको मृगलाई बाच्छाले पनि खेद्छ झै भयो ।
तीनजना तरुणहरु चुनावमा उठे । त्यो पनि चितवनको क्षेत्र नम्वर तीनवाट । तीनै जना हारे । यो कस्तो संयोग होला है । हारेको तीन दिन बित्न नपाउँदै एउटाकोमा माओवादी पस्यो । अर्कोकोमा पुलिस । बेकारमा टेन्सन थपियो । यो पनि कस्तो संयोग होला है । यो संयोग मात्रै हो ला है । यो संयोग मात्रै नहुन पनि सक्छ भनेर बेकारमा शंका गर्न चाहि छाडिदिउँ है । मैले अघि माथि नै पनि भनि सकेको छु । एउटै कुरा धेरै दोहराउन भएन । आजलाई यतिमै विदा ।