एकको महत्व

एकको महत्व निकै हुँदो रहेछ । यसको ख्याल धेरैलाई हुनु पर्छ । 'त्यत्ति भएको भए यस्तो हुने थिएन" भनेर थकथकाउनेहरु हाम्रो समाजमा यत्रतत्र सर्वत्र छन् । एकको महत्व अहिले आएर झनै बढेको छ । जस्तो नेपालको राजनीतिलाई हेरौं प्रधानमन्त्रत्री बन्नका लागि एक एक साभासदको ठुलो महत्व छ । एक सभासद्को मुल्य दुई करोड रुपैयाँसम्म रे । कस्तो महत्व त एकको । एकको दुई त्यो पनि सयहजार लाख जस्ता चानचुने कुरा हो र करोड करोडको ठुलो बोलि पो छ त यहाँ । हेर त कस्तो महत्व एकको ।
यो राजनीति भित्र घुसेको फोहरी खेलमा मात्रै छैन एकको महत्व । अहिलेकै कुरा गर्दा पनि नेपालका अरु क्षेत्रमा पनि एकको महत्व निकै खट्किएको छ । जस्तो खेलकै कुरा गरौं नेपालले सन् २०१५ मा कि्रकेटको विश्व कप खेल्न पाउने हो कि भन्ने सम्भावनाको कुरा अब सकिएको छ । अहिले इटलीमा जारी विश्व कि्रकेट लिग डिभिजन फोरको विजेता या उप विजेता बनेको भए कि्रकेटको विश्व कप खेल्ने सम्भावना जिवितै रहन्थ्यो । तर यो खेलमा चौथो हुनाले डिभिजन थर्डमा बढुवा हुने अवस्थामा पनि पुगेन नेपाली टोली ।
धन्न अन्तिमको एक खेल जित्यो र नेपाल डिभिजन फोरकै यथास्थितिमा रहन सफल भयो । त्यो एक खेल हारेको भए नेपाल पुग्ने थियो घटुवा भएर डिभिजन फाइवमा । त्यसैले एकको महत्व नेपालले अहिले निकै बुझेको छ । दुईको साटो एक खेल मात्रै हारेको भए नेपाल डिभिजन फोरबाट बढुवा हुने अवस्था पनि थियो । नेपाल तान्जेनिया र अमेरिकासँग पराजित भयो । तान्जेनियासँग जितेको खेल हारेको हो नेपालले । तुलनात्मक रुपमा कमजोर टिम तान्जेनियालाई ११७ रनमा सिमित पारे पनि त्यो आँकडा पार गर्न असफल भएको कारण नेपालको सपना सपनामै सिमित रहयो ।
नेपाल जितबाट नौरन मात्रै पर हयो । पाँचजना ब्याट्स म्यानहरु कुनै रन नबनाइ आउट भए त्यस खेलमा । उनीहरुले कम्तिमा एक एक रन मात्रै बनाएको भए कस्तो गजव हुन्थ्यो । चार रना मात्रै बाँकी हुन्थ्यो जित्नका लागि । एउटा चौका कसैले हानिदिएाे भए हेर कस्तो हुन्थ्यो नेपालका लागि । सवै व्यट्स म्यानहरु लगालग आउट भए । नौ रन बाँकी रहदा एउटा मात्रै विकेट बँचेको भए पनि नेपालले लक्ष्य पार गर्न सक्थ्यो होला । तर त्यति बेला नेपालका सवै विकेट सकिएका थिए ।
डिभिजन फाइवको नेपालमा भएको लिगमा एक बल अगाडी खेल जित्दा नेपालको भाग्य चम्केर डिभिजन फोरमा उक्लने बाटो खुलेको थियो । डिभिजन फाइवको जस्तो भाग्य डिभिजन फोरको खेलमा देखिएन । एकका कारण गुमाउनु पर् यो कत्रा सपनाहरु । त्यसैले सिङ्गो एकको महत्व कति रहेछ यसैले देखाउँछ ।