अर्को बटला

सानालाई ऐन ठुलालाई चैनको उपयुक्त उदाहरण दिनु परेमा गोबिन्दबहादुर बटला जिवितलाई सम्झे हुन्छ । यी जिवितलाई मरे तुल्य बनाएका छन् कालिबहादुर खाम विविधले । कोटेश्वरका व्यपारी रामहरि श्रेष्ठलाई समातेर चितवनको शक्तिखोर क्याम्पमा ल्याउने आदेश खामले दिए बटलालाई । बटलाले समातेर हाजिर गराए । सोधपुछ गर्ने जिम्मा शक्तिखोरका हाकिम अर्थात माओवादी जनमुक्ति सेनाको तेस्रो डिभिजनका कमाण्डर खामको हो । सोधपुछका बेला व्यपारी श्रेष्ठलाई को को ले हो नराम्ररी कुटपिट गरेछन् । त्यसैको चोटले रामहरिको ज्यान गयो । खामले बटलालाई प्रहरीमा पठाए आफु उम्के । जवकी अदालतले खामलाई पनि थुनामा राख्नु पर्ने आदेश दिएको छ ।
बटला भरतपुरको कारागारमा छन् । वि.स.२०६५ सालको जेठदेखि बटलालले खुला आकास विचरण गर्न पाएका छैनन् । उता खाम भने कानुनी रुपमा फरार छन् र बेलबेलामा प्रकट हुन्छन् प्रहरीका आँखा छल्दै । जिल्ला प्रशासन कार्यालय परिसरमा तत्कालिन रक्षामन्त्री रामबहादुर थापा बादललाई भेट्न जाँदा पनि प्रहरीको आँखामा नपर्ने खाम उपद्रो गर्नमा पनि माहिर छन् । उनले भर्खर आर्को उपद्रो गरेछन् । चिनिया व्यपारीलाई लुट्न पठाएका खाम आफु भने उम्केका छन् उनको आदेश मान्नेहरु फेरि थुनामा पसे । अर्थात बटला फेरि जन्मिए ।
यस पटक एकजना होइन बटलाको नियती भोग्ने पाँच पाँचजना परेछन् । मिलनप्रताप सेन ठकुरी गणेशकुमार मल्ल लालबहादुर राना मधुसुदन शर्मा र अशोक खाती अब बटलाझै जेल बस्नेछन् । अदालतले खामलाई पनि कारागार कठाउने आदेश गरेको छ । सात दिनभित्र खाम नआए प्रहरीलाई पक्रन भनेको छ अदालतले तर खाम के आउँथे । यस्तै भएको हो रामहरि हत्या मुद्दाको सुनुवाइमा पनि । हत्याको अभियोग लागेका खाम अझसम्म अदालतमा उपश्थित भएनन् । उनलाई थुनामा राख्न अदालतले दिएको आदेश त्यसै अलपत्र छ । खामले यो देशको कानुन र प्रहरीलाई के टेर्थे ।
आदेश तामेल गर्नुहरु समातिन्छन जेल जान्छन् । खाम भने सधै निष्फिर्क । केन्द्रीय सदस्य उनै बनाइन्छन् । पार्टीको जिम्मेवारीबाट अलग हुँदैनन् । सम्पत्ति जोड्न सधै तल्लिन हुन्छन् । धनको लोभमा व्यपारी लुट्न समेत हिच्किचाउँदैनन् । अपराध गर्ने सम्पत्ति जोड्ने अनि नेताहरुले पनि त्यस्तालाई नै अँगालो हाल्ने माओवादी पार्टी भित्रको यो राजनीति जनतादेखि जिवितसम्म दिक्क छन् । माओवादी जस्तो सर्वहाराको पार्टीमा पनि हराउँदो रहेछ निमुखाको न्याय ।
बटला सानो मान्छे उनी जेल बस्नु पर्ने । खाम पार्टीकै संरक्षणमा पुलिसबाट जोगिने । व्यहोरा नसुधार्ने अनि बटला जस्तै अरुलाई बलिको बोको बनाउने । यो खाम आतकंको अन्त्य नहुने नै हो नेपालमा ? खामलाई पार्टी निर्दोष मान्छ । त्यस्तै ठान्दाहुन् बटला र अहिले थपिएका पाँचजना बटला । बटला मान्छे मरे पनि म किन जेल बस्ने भन्ने तर्क अझै गर्न छाड्दैनन् । देशको कानुन छ आड दिने मालिकहरु नभेट्दासम्म त्यो कानुनले जस्लाई पनि समात्छ भन्ने हेक्क उनलाई छैन ।
यस्तै हेक्का नभएका हुस्सुहरुले गर्दा हौसिएका होलान विविध अर्थात खाम । बुद्धि भुट्न पाएपछि मान्छे अरुलाई बलिको बोको बनाउन तम्सन्छ । माओवादी भित्र हुस्सुहरु पनि प्रशस्त छन् र उनीहरुको आडमा अपराध गर्न तम्सनेहरु पनि छन् । अनि त्यस्तालाई संरक्षण गर्न लम्कने नेताहरु पनि छन् । विविधको राइदाइँ यसै कारणले बढेको हो । बटलाहरुको नियति यसै कारणले दोहरिएको हो ।