नेताले पनि दुःख पाएको देख्न जनता उत्सुक छन्

गगन थापा नेपाली राजनीतिका आशा लाग्दा युवा नेता हुन् । गगन जस्ता सय नेता नेपालमा भएको भए यो देशको प्रगतिले पनि गगनै चुम्ने थियो । तर नहुँनाले जनताले सधै गोता खाइ रहनु परेको छ । यी गगनले हिजो भरतपुरमा एउटा कुरा बोले जे बोले प्रष्ट बोले । उनले भने जेठ १४ गते भित्र संविधा जारी हुँदैन ।
सर्व साधरण नेपालीलाई पनि यस्तै लाग्छ । आउँदो जेठ १४ गते भित्र नेपालमा नयाँ संविधान बन्न सक्दै सक्दैन । नेताहरु भने भन्ने गर्छन् संविधान बन्छ । बनाउने काममा नै नलागेपछि संविधान बन्ने सम्भावना नै छैन तै पनि नेता भन्छन् बन्छ तर गगन त्यस्तो नेतामा परेनन् उनले साचो कुरा बोले संविधान बन्दैन ।
यो देशमा गएको जेठ १५ मै संविधान बन्नु पर्दथ्यो । दुई वर्ष भित्र संविधान बनाउँछु भनेर नेताले भोट मागे हामीसँग । तर तोकिएको समयमा संविधान बन्न सकेन । अनि नेता आफै मिलेर संविधान सभाको म्याद एक वर्ष थपे । यो बीचमा त कस्सीएर काम गर्नु पर्दथ्यो नि तर अह नेताले त्यसो पटक्कै गरेनन् । यो देशलाई चाहिने प्रधानमन्त्री त चुन्न सकेनन् हाम्रा नेताले । केही समयलाई चाहिने प्रधानमन्त्री चुन्न नसकेको छ महिना भयो नेपालमा । अनि यस्ता नेताले लामो समय खप्ने संविधान देलान भनेर खै कसर आशा राख्नु ।
गगनले भलै साचो कुरा बोले तर राम्रो हुँदै छ भन्ने बोली बोलेनन् । हुँद्यै भए पो राम्रो हुने छ भन्नु हुँदै नभएको कुरा उनले पनि के बोल्नु । एउटा सामान्य नागरिक र इमान्दार नेताको अवस्था यो देशमा उस्तै उस्तै देखियो । नेतासँग देशलाई कसरी लैजाने भन्ने खाका हुन्छ त्यो भने सुनाउन भ्याए थापाले ।
उनले भने सवै दलले मै ठुलो भन्ने भावान त्यागेर सहमति गर्नु पर्छ । सरकार पालै पालो चलाउने तर संविधान लेख्ने र शान्ति प्रकृयालाई सफल्ता पुर्वक सक्ने काम गर्नै पर्छ । नेताहरुको कुरा नमिल्नाले नै यो भद्रगोल भएको हो । नेताहरु मिल्दैनन् र देशमा अब झनै ठुलो भद्रगोल हुने अवस्था छ भनेर थापाले भनेनन् तर सामान्य नागरिकलाई यही लाग्दैछ ।
अनमिन प्रमुख करेन लेनग्रेनले संयुक्त राष्ट्र संघको सुरक्षा परिषदमा बुझाएको नेपाल बारेको प्रतिवेदनमा प्रष्ट भनिएको छ नेपालमा कि राष्ट्रपति शासन लागु हुन्छ या माओवादीले जनबिद्रोह गर्छ अथवा सेनाले कु गर्ने अवस्था छ । अव देशमा यो भद्रगोल आउने पक्का पक्किनै छ । नेताले केही नगरेपछि यी मध्ये केही त हुन्छ हुन्छ ।
केही नगर्ने गफ मात्रै गर्ने अनि अरुलाई दोष दिएर आफु ठुलो हुन खोज्ने कुनै ठुलो शक्ति केन्द्रको आड लागेर म ठुलो हुँ भन्ने धाक दिने नेपाली नेताको आम चरित्र रहयो । यो चरित्रले देश बिगि्रयो । जनताले हुनसम्म सास्ति पाए । अब नेपालमा एक पटक नेताले पनि दुःख पाएको देख्न जनता उत्सुक छन् ।