हाम्रो आन्दोलन जारी छ

पत्रकार चोट खाएर लडेको छ,
उसका लागि आन्दोलन हुन्छ,
सडकमा जुलुस निक्लन्छ ,
जसलुसमा सवै अगाडी हुन्छन्,
कारण पत्रिकामा छापिने फोटोमा,
आफ्नो मुख सवैलाई देखाउनु छ ।

अत्याचार भयो भनेर,
चर्का भाषण गर्छन सवै,
कारण पत्रिकामा नाम छपाउनु छ ।

कुटिनेलाई नै दोष दिन्छ अर्को,
कोही समर्थक नपाएका आरोपिलाई,
तेरो 'असली संरक्षक म हुँ' भन्नेपार्नु जो छ ।

पत्रकार लडेको छ अस्पतालमा,
मल्हम लगाउने कोही छैनन्,
छन् त आन्दोलन गर्ने मात्रै ।

अन्याय भएको छ पत्रकारलाई,
न्याय दिने कोही छैन,
आरोपितलाई नै धाम मार्दा,
कसरी निको होला र पत्रकारको घाउ ।